Desenvolvemento web a medida para pemes en Galicia

Unha web rápida, clara e pensada para que te atopen e te contacten. Facémola, publicámola e déixámola funcionando.

Que inclúe unha web con Podko

  • Deseño e desenvolvemento a medida Sen plantillas pesadas nin plugins que se rompen. Cada páxina carga rápido e vese ben no móbil.
  • Versións en castelán, galego e inglés Cada unha co seu enderezo propio para que Google a indexe. As traducións revísanse coa mesma esixencia que o orixinal.
  • SEO técnico desde o primeiro día Títulos e descricións, datos estruturados, mapa do sitio, ligazóns internas, velocidade. Máis en aloxamento e SEO.
  • Accesibilidade Contraste, teclado e lectores de pantalla, co obxectivo WCAG 2.1 AA.
  • Publicación e aloxamento Con dominio, certificado e copias de seguranza. Ver aloxamento xestionado.
  • Mantemento Posterior, se o queres. Ver mantemento web.

A quen vai dirixido

A pemes, autónomos e despachos que necesitan unha web seria sen montar un equipo propio: unha clínica, unha xestoría, un taller, un comercio, unha academia. Se o teu sector ten páxina, verala en sectores. Se buscas unha web con reservas, citas ou formularios conectados aos teus sistemas, mira integracións.

Por que a medida e non WordPress

Unha plantilla de WordPress pode ser unha boa opción se precisas poñer algo en marcha rápido e vas xestionalo ti, e é unha decisión lexítima. A medida compensa cando importan a velocidade, a seguranza e que a web se conecte cos teus procesos (axenda, facturación, CRM), e cando non queres depender de decenas de plugins que hai que actualizar. Dicímosche con franqueza cal encaixa contigo; non todas as webs necesitan desenvolvemento propio.

Como traballamos

  1. Revisión inicial, sen custo Obxectivos, contidos, que tes e que falta.
  2. Estrutura e deseño Primeiro o esquema de páxinas e a mensaxe; despois o aspecto.
  3. Desenvolvemento e revisión contigo Vas vendo versións reais, non maquetas.
  4. Publicación Despregamento continuo, cada cambio pasa probas antes de saír.
  5. Seguimento Medimos visitas e consultas cunha ferramenta que non usa cookies.

Preguntas frecuentes sobre desenvolvemento web

Canto tempo se tarda en ter a web?

Depende de cantas páxinas, idiomas e conexións leve. Con contidos listos, unha web sinxela pode estar en semanas; unha con integracións require máis. Dámosche un plan con datas tras a revisión inicial.

A web será miña?

Si. O dominio e o contido son teus. Explicámosche desde o principio que se aloxa onde e como se podería migrar.

Poderei cambiar os textos eu mesmo?

Podemos deixarche un sistema sinxelo para textos e imaxes ou encargarnos nós dos cambios. Decidímolo segundo o teu uso.

Canto custa unha web?

Depende do alcance. Como calculamos o orzamento, en prezos.

Falamos do teu caso?

Cóntanos que che quita tempo ou que precisas na túa web. Respondémosche nun día laborable cunha proposta concreta, sen compromiso.

Escribirnos